(ලංකා ඊ නිව්ස් -2016.පෙබ.04, ප.ව.11.30)
කාල්ටන් ස්පෝට්ස් නෙට්වර්ක් හෙවත් සීඑස්එන් නමින් රූපවාහිනී ක්‍රීඩා නාලිකාවක් ආරම්භ කරමින් රාජපක්ෂලා විසින් සොරකම් කරන ලද මහජන මුදල් හෙවත් කළු සල්ලි කෝටි 52 ක් පමණ සුදු කර ගැනීමේ ජාවාරමක් කළ බවට චෝදනා ලබා මේ වන විට රක්ෂිත බන්ධනාගාර ගත කර සිටින යෝෂිත රාජපක්ෂට නීති විරෝධී ලෙස ඇප ලබා දෙන්නැයි වත්මන් යහපාලන ආණ්ඩුවේ ප්‍රබල එජාප ඇමැතිවරයෙක් කඩුවෙල මහේස්ත්‍රාත්වරයාට බලපෑම් කර ඇතැයි ලංකා ඊ නිව්ස් අධිකරණ අභ්‍යන්තර තොරතුරු සේවය වෙත වාර්තා වේ.
නීති ගරුක විනිසුරුවරයා ඇමැතිවරයාගේ බලපෑම නොතකා හැර නීතියට අනුව ක්‍රියා කරන බවට ඇමැතිගේ මූණටම පවසා තිබේ. මුදල් විශුද්ධි කරණ චෝදනාව යටතේ අත් අඩංගුවට පත් අයෙකුට මහේස්ත්‍රාත් අධිකරණයකින් ඇප ලබා ගත නොහැකිය. ඇප ලබා ගත හැක්කේ මහාධිකරණයෙනි.
මෙකී ඇමැතිවරයා පසුගිය කාලයේදී රාජපක්ෂලා වෙනුවෙන් පාර්ලිමේන්තුවේ කතා කිරීම ගැනත්, නීතිය ක්‍රියාත්මක කිරීමට ඉඩ නොදෙන ඇමැතිවරයෙකු ලෙසත් සිවිල් සංවිධාන නායකයන්ගේ දැඩි විවේචනයට ලක්වූවෙකි.
ෆීල්ඩ් මාර්ෂල් සරත් ෆොන්සේකා මහතා එක්සත් ජාතික පෙරමුණට සම්බන්ධ කර ගන්නවාට ද ඔහු දැඩි විරෝධයක් පෑවේ ය.
No comments:
Post a Comment