From Lankadeepa Online - තිළිණි ද සිල්වා
වසරකට වැඩි කාලයක් තිස්සේ පුරප්පාඩුවී පැවැති බි‍්‍රතාන්‍යයේ ශ්‍රී ලංකා මහකොමසාරිස් ධූරයට මෙරට ප‍්‍රකට ව්‍යාපාරික කාන්තාවක් වන අමරි විජයවර්ධන මහත්මිය රජය විසින් නම් කරනු ලැබ ඇත.
ඒ අනුව බි‍්‍රතාන්‍යයේ නව ශ්‍රී ලංකා මහ කොමසාරිස් ධූරයට අමරි විජයවර්ධන මහත්මිය ගේ උසස් නිලතල පිළිබඳ පාර්ලිමේන්තු කාරක සභා අනුමැතිය සඳහා යොමු කර ඇතැයි වාර්තාවේ.
ශ්‍රී ලංකා මහකොමසාරිස්වරිය ලෙස නම් කළ අමරි විජයවර්ධන මහත්මිය මෙරට ප‍්‍රමුඛ පෙළේ පෞද්ගලික සමාගමක් වන ස්වදේශී සමාගාමේ සභාපතිනියද වේ.
එම ධූරයේ මීට පෙර කටයුතු කළ වෛද්‍ය ක‍්‍රිස් නෝනිස් මැක්වුඩ් සමාගමේ ප්‍රධානියෙකි. 2014 සැප්තැම්බර් මාසයේදී සජින් වාස් පහරදීමත් සමග ඇමෙරිකාවේ වොෂිංටන් අගනුවරදී සිදුවූ ගැටුමකින් පසු ඔහු සිය ධූරයෙන් ඉල්ලා අස් විය.
එතෙක් වසරකට වැඩි කාලයක් තිස්සේ පුරප්පාඩු වී තිබූ බි‍්‍රතාන්‍යයේ ශ්‍රී ලංකා මහ කොමසාරිස් ධූරයේ වැඩ බලනු ලැබුවේ චානක තල්පහේවා මහතා විසිනි.
හිටපු ශ්‍රී ලංකා ක‍්‍රිකට් නායක කුමාර් සංගක්කාරටද එම ධූරය බාර ගන්නා ලෙස ජනාධිපති මෛත‍්‍රිපාල සිරිසේන මහතා ආරාධනා කළත් ඔහු එය ප්‍රතික්ෂේප කළේය.
No comments:
Post a Comment